Франциянинг «Марсел» клуби жамоа бош мураббийи Женнаро Гаттузони истеъфога чиқаришга қарор қилди.

Инсайдер Фабрицио Романо хабарига кўра, марселликлар италиялик мутахассис ва унинг мураббийлар штаби билан хайрлашган. «Брест»га қарши ўйин (0:1) Гаттузонинг жамоадаги сўнгги учрашувига айланган. Клуб тез орада истеъфо ҳақида расман эълон қилиши кутилмоқда.

Гаттузо «Марсел»да 2023 йилнинг сентябр ойида иш бошлаганди. Унинг қўл остида клуб 24 ўйинда 9 ғалаба, 8 дуранг ва 7та мағлубиятга учраган.

Марселликлар Франция чемпионатида  22-турдан кейин 30 очко билан 9-ўринни эгаллаб турибди.