«Барселона» бош мураббийи Хави Ла Лига 25-туридан ўрин олган «Селта»га (2:1) қарши ўйиндан кейин ўз фикрлари билан ўртоқлашди. 

«Майдоннинг сўнгги учинчи қисмига боргунча яхши ўйнадик ва у ерда ҳаракатларимизга аниқлик етишмади. Сўнгги паслар етишмади. 

Майдонда яхши жойлашдик ва устунлик қилдик. Хурсандман, чунки Вигода ўйнаш қийин. Очколарни қўлга киритиш учун боримизни бердик ва бунга қийинчилик билан эришдик. Муносабат, фидойилик ва фаоллик юқори даражада эди.

Кетишимни эълон қилганимдан сўнг биз 12 очколик имкониятдан 10 очко тўпладик. Менимча, қарорим тўғри бўлди.

Жамоа олдинга қадам ташлаганидан, 3 очкодан хурсандман – улар олтинга тенг.

«Селта»дан ўтказиб юборилган гол концентрацияни йўқотиш натижасидир. Рақиб ҳужумида моҳир ўйинчилар бор, аммо тўпни қайтаришда омадимиз келмади. Ўша эпизодда яхши ҳимояланмадик. Аммо умумий ҳисобда ажойиб ўйин ўтказдик. Тўп ўтказиб юбормасликка ва «қуруқ ўйин» ўтказишга ҳаракат қилишимиз керак», — дея Хавининг сўзларини келтиради Marca.