«Манчестер Сити» бош мураббийи Хосеп Гвардиола АПЛ 25-туридан ўрин олган «Челси» билан ўйиндан (1:1) сўнг ўз фикрларини билдирди. 

«Яхши ўйин. Биринчи бўлимни унчалик яхши ўтказмадик, аммо иккинчи бўлимда жуда ажойиб ўйнадик. Бизда имкониятлар бўлди, иккинчи бўлимда яхшироқ ҳаракат қилдик. 

Мен 11 йил ичида 11та гол урганман, шунинг учун Ҳоландга кўп маслаҳат бера олмайман. У кейинги ўйинда гол уради.

Биринчи бўлимда унчалик яхши ўйнамадик — буни тўғрилаш керак», — деди «шаҳарликлар» устози Sky Sports эфирида.