«Бавария» бош мураббийи Томас Тухел ЕЧЛ 1/8 финалидан ўрин олган «Лацио» билан ўйиндан (0:1) сўнг ўз фикрларини билдирди. 

«Мағлубиятдан хафамиз ва ғазабдамиз. Ўйинни биз ютқаздик, «Лацио» ғалаба қозонганига ишончим комил эмас.

Нима учун иккинчи бўлимда ўзимизга бўлган ишончни йўқотганимизни тушунмаяпман, лекин биз буни «уддаладик» ва кейин ҳисобда ортда қола бошладик. Буни тушунтириб бера олмайман, чунки жамоага шиддатни сақлаб қолишни ва ҳужумда янада жасурроқ бўлишни айтдик, аммо бўлим бошида ўзимизни йўқотгандек бўлдик.

Ишлашимиз керак бўлган нарсалар бор. Биринчи бўлимда Жамол Мусиала билан бир қанча яхши ва битта катта имконият яратдик, аммо якунда бирорта ҳам аниқ зарба йўлламадик. Бундай статистика билан ғалаба қозонишнинг иложи йўқ, аммо бизни жавоб баҳси кутиб турибди.

Охирги натижаларга қарасак, истиқболимиз яхши кўринмаяпти, лекин қаттиқ ишлашда давом этамиз», — дея мюнхенликлар устозининг сўзларини келтиради УЕФА расмий сайти.