Франсиско Хавер Родригес истеъфога чиқарилганидан сўнг «Райо Валекано» янги мураббийни тайинлади.

Бош мураббийлик тажрибасига эга бўлмаган 36 ёшли Иниго Перес мадридликлар устозига айланди. У 2022 йил июл ойида футболчилик фаолиятини якунлагач, «Райо Валекано»да ёрдамчи мураббий сифатида ишлаган.

Шартнома муддати ошкор этилмади. 

«Райо» Испания чемпионатидаги сўнгги 14 ўйиннинг фақат биттасида ғалаба қозонди ва 14-ўринда бормоқда. Жамоа навбатдаги баҳсни 18 феврал куни ўз майдонида «Реал»га қарши ўтказади.

Фаолияти давомида Иниго марказий яримҳимоячи сифатида ўйнаган ва «Осасуна», «Нумансия», «Атлетик» каби клубларда ҳаракат қилган.