Жанлуижи Буффон «ПСЖ»нинг 2018 йилдаги таркиби ҳақидаги таассуротларини гапирди.

«Мен дарҳол ажойиб иқтидорли футболчиларни кўрдим. «Ювентус»дан келгандим, у ерда ҳам кучли футболчилар бор эди, лекин «ПСЖ»га келгач: «Мамма Мия!» Агар сиз бу футболчиларнинг барчасини Туринга кўчирсангиз, «Ювентус» кетма-кет 4 марта Чемпионлар лигасини ютади!» дедим. 

Ҳар доимгидек ижобий ва салбий томонлар бор эди. Мбаппе, Верратти, Неймар, Силва, Маркинос — ажойиб ўйинчилар ва улар қандай қилиб ҳалигача Чемпионлар Лигасида ғалаба қозона олишмаганига ҳайрон бўлгандим, бу тушунарсиз туюлди.

Аммо кейин бундай кўп сонли юлдузлар билан юзага келадиган маълум динамика аниқ бўлади. Ўша мавсумда кийиниш хонасида яхши атмосфера бўлганига қарамай, қийинчиликлар пайдо бўлди», — деди парижликларнинг собиқ дарвозабони the BSMT подкастида.