«Реал Сосиедад» клуби жамоанинг япониялик ҳужумчиси Такефуса Кубо билан келишув узайтирилганини эълон қилди.

Клуб расмий сайти хабарига кўра, Сан-Себастиан жамоаси япониялик 22 ёшли футболчи билан 2029 йилга қадар шартнома имзолаган.

Такефуса Кубо 2022 йилдан буён «Реал Сосиедад»да тўп суриб келмоқда. У жорий мавсум Ла Лигада 19 ўйинда 6та гол ва 3та ассист қайд этган. Transfermarkt портали Кубони 60 млн еврога баҳолаган.

Аввалроқ, япониялик универсал футболчига «Манчестер Юнайтед» қизиқиш билдираётгани ҳақида хабар тарқалганди.