Даниэл Карвахал Лионел Месси ва Криштиану Роналдунинг ўйинидаги фарқларни айтиб ўтди.

«Мен уларни бир хил даражага қўяман ва бирини бошқасидан афзал кўрмайман. Улар — монстрлар ва мен улардан бирини танлай олмайман. Менимча, улар жуда фарқли. 

Месси — тўпни қабул қилиш ва ҳужумларни бошлаш учун ортга қайта оладиган ва ўйинга аралашиб, кўпроқ вазият яратиши мумкин бўлган футболчи. Криштиану — гол уришда, жарима майдончасига киришда ва ҳужумларни якунлашда йиртқич. Агар улар бирга ўйнашса, бу ҳақиқий бомба бўларди. Буни кўриш қизиқ бўларди», — деди португалиялик ҳужумчи билан «Реал»да ўйнаган ҳимоячи.