Эрон миллий жамоаси ҳамда «Порту» клуби тўпурари Меҳди Торемий мавсум якунида Италия А Сериясига кўчиб ўтади.

Инсайдер Фабрицио Романо хабарига кўра, Меҳди Торемий «Интер» билан келишувга эришган. Унга кўра, эронлик ҳужумчи ёзги трансфер ойнасида эркин агент сифатида Милан клуби сафига қўшилади. 31 ёшли футболчи тез орада Италия клубида тиббий кўрикдан ўтади ва шартнома имзолайди. Келишув 2026 йилгача имзоланиб, уни яна бир йилга узайтириш банди киритилади.

Маълумот учун, Меҳдининг португаллар билан амалдаги келишуви 2024 йилнинг ёзида якунига етади. Transfermarkt ҳужумчини 12 млн еврога баҳолаган.