«Барселона» бош мураббийи Хавининг Каталония клубидаги фаолияти мавсум якунигача етмаслиги мумкин.

As хабарига кўра, клуб президенти Жоан Лапорта ва спорт директори Деку Хавининг жамоадаги иш услубидан қониқмаяпти. Клуб Чемпионлар лигаси 1/8 финалида «Наполи» билан ўйинда омадсизликка учраса, Хави муддатдан аввал истеъфога чиқарилиши мумкин.

Аввалроқ, испаниялик мураббий мавсум якунида клубни тарк этишини эълон қилганди. Жамоа сўнгги турда ўз майдонида «Гранада» билан 3:3 ҳисобини қайд этгач, клуб Ла Лига турнир жадвалида пешқадам «Реал»дан 10 очкога ортда қолмоқда.