Париж олимпиадасида футбол мусобақаси Бразилиясиз ўтади. 

Токио ва Риода ўтган сўнгги икки олимпиаданинг амалдаги чемпиони саралашнинг сўнгги турида Хавер Маскерано бошқарувидаги Аргентина ёшларига ютқазиб қўйди (0:1). 

«Реал»нинг бўлажак форварди Эндрик ўйнайдиган жамоа саралашда 3-ўринни эгаллаб, йўлланмадан мосуво бўлди. Ёзда ўтадиган турнирда пешқадам бўлган Парагвай ва 2-поғонадан жой олган Аргентина қатнашади.