Месут Ўзил футболда кўк карточка киритилиши мумкинлигига ўз муносабатини билдирди. 

Аввалроқ футбол ўйини қоидаларини қўллаб-қувватловчи ва тартибга солувчи Халқаро футбол ассоциацияси кенгаши (IFAB) кўк карточка бериш қарорини маъқуллагани маълум қилинганди – у тактик фоллар ва ҳакамлар билан баҳслар учун берилади. Кўк карточка олган футболчи 10 дақиқага майдондан четлатилади.

«Демак, қарор кучга кирса, «Атлетико» бор-йўғи 6 футболчи билан ўйнайдими?» — деб ёзди «Реал»нинг собиқ футболчиси ижтимоий тармоқларда.