«Барселона» раҳбарлари клубга қандай мураббий кераклиги борасида келиша олишмаяпти.

Аввалроқ каталонияликларнинг ҳозирги устози Хави мавсум якунида истеъфога чиқишини эълон қилганди.

АS хабарига кўра, «кўк-анорранглилар» президенти Жоан Лапорта ўз иштиёқи билан футболчиларни бирлаштира оладиган, авториретга эга тажрибали мураббийни тайинламоқчи. Унинг номзоди — «Бавария» клуби ва Германия миллий жамоасининг собиқ бош мураббийи Ҳанс-Дитер Флик.

«Барселона» спорт директори Деку эса турли вазиятларга мослаша оладиган ва ўз фаолиятида кейинги қадамни ташламоқчи бўлган, унчалик машҳур бўлмаган мураббийни тайинламоқчи. Унинг номзоди — «Порту»дан Сержиу Консейсау.