Криштиану Роналду болдир мушакларидаги жароҳат сабаб Лионел Месси бошчилигидаги «Интер Майами»га қарши майдонга тушмайди.

Бу ҳақда «Ан Наср» бош мураббийи Луиш Каштру маълум қилди.

«Биз Месси ва Роналду қарама-қаршилигини кўрмаймиз. Криштиану умумий гуруҳга қайтиш учун тикланишнинг сўнгги босқичида.

Умид қиламизки, у яқин кунларда жамоа билан ишлашни бошлайди. У бўлажак ўйинда майдонга тушмайди», — деди Каштру.

«Ан Наср» бугун, 1 феврал куни «Интер Майами» билан ўртоқлик баҳсида ўйнайди. Беллашув 23:00да бошланади.