«Брентфорд» клуби «Пахтакор» футболчиси Муҳаммадали Ўринбоев ярим йиллик ижара асосида жамоанинг «В» клубида тўп суришини маълум қилди.

Англия клуби мавсум якунида ўзбекистонлик футболчини сотиб олиш ҳуқуқига эга бўлади. У Нил Макфарлейн қўл остидаги иккинчи жамоада ҳаракат қилади.

«Ҳар бир ёш ўйинчи Премьер-лигада ўйнашни орзу қилади. Мен ҳам ўша орзумга яна бир қадам яқинлашганимдан жуда ҳам хурсандман. Энди бу ерда боримни бериб ишлайман ва ўзбек футболчилари нималарга қодирлигини бутун дунёга кўрсатмоқчиман», - дейди Ўринбоев.

Маълумот учун, 18 ёшли ҳужумкор яримҳимоячи «Пахтакор» сафида 16 ёшида дебют қилиб, ҳозиргача 17 ўйинда майдонга тушган.