«Бавария» клуби «Гранада» яримҳимоячиси Брайан Сарагоса трансферини эълон қилди.

Клуб расмий сайти хабарига кўра, 22 ёшли испаниялик вингер 2024/25 йилги мавсум стартидан аввал Мюнхен клуби сафига бориб қўшилиши кутилганди. Аммо немис клуби 15 миллион евро трансфер пулига қўшимча 4 миллион евро тўлагач, испан қишдаёқ Германияга кўчиб ўтадиган бўлди. Томонлар 2029 йилгача шартнома имзолаган.

Маълумот учун, Брайан жорий мавсум Ла Лигада 14 ўйинда 5та гол ва 2та ассист қайд этган.