«Насаф» Туркиядаги йиғин доирасида иккита назорат учрашувида майдонга тушди, дея хабар бермоқда клуб матбуот хизмати.

Эрталабки беллашувда Қарши клуби яна бир Бразилия жамоаси билан беллашди. «Мая» жамоасига қарши кечган беллашувда вакилларимиз 2:1 ҳисобида ғалаба қозонишди.

Куннинг иккинчи ярмида эса Рўзиқул Бердиев шогирдлари Сербиянинг «Радник» жамоаси билан беллашди. Ушбу беллашувда ҳисоб очилмаган – 0:0.

Шу тариқа, «Насаф» Анталиядаги уч ҳафталик ўқув-машғулот йиғини доирасида 10та назорат учрашувида майдонга тушди. Клуб эртага, 1 феврал куни Анталия-Тошкент йўналишида Ўзбекистонга қайтади.

Жамоа 4 февраль куни Қаршидаги қароргоҳида йиғилиб, мавсумга тайёргарликни давом эттиради.