6-дивизион клуби Англия Кубогининг 1/8 финалига йўлланма олди. 

«Мэйдстон Юнайтед» 1/16 финалда «Ипсвич»ни меҳмонда 2:1 ҳисобида мағлуб этди.

Эътиборлиси, олтинчи дивизиондаги «Мэйдстон» ва Чемпионшипда 2-ўринда бораётган «Ипсвич» ўртасида Англияда 98та жамоа бор.

Шу тариқа 46 йил ичида биринчи марта Англиянинг топ-5 дивизионидан бўлмаган клуб кубокнинг бундай босқичига чиқди. Сўнгги марта 1978 йилда «Блит Спартанс» буни уддалаганди.