«Реал» бош мураббийи Карло Анчелотти Ла Лига 22-туридан ўрин олган «Лас-Палмас»га қарши ўйиндан (2:1) сўнг ўз фикрлари билан ўртоқлашди. 

«Ўтказиб юборилган гол ўйин динамикасини ўзгартирди. Биринчи бўлимда схемани ўзгартириб, бошқача ўйнай бошладик. Ажойиб бўлмади, лекин ёмон ҳам эмас.

Тўпни олиш қийин бўлган жамоага қарши ўйнадик, статистикага кўра, «Лас-Палмас» кам гол ўтказиб юборади. Жуда муҳим ғалаба.

Камбэк — бизнинг қуролимиз. Захира ўриндиғимизда ўйинни кучайтирадиган мотивацияли футболчилар бор. Ҳа, бу — бизда мавжуд бўлган арсенал. Захира ўриндиғига қараганимда, ўйинни ўзгартириш учун кўплаб имкониятларни кўраман. Чунки уларнинг мотивацияси юқори.

Ҳимоя? Сўнгги ўйинларда кўп тўп ўтказиб юборган бўлишимиз мумкин. Лекин кўп голлар ҳам урдик ва кўп ҳужум қилганимиз учун ҳар доим ҳам мувозанатни сақлай олмаймиз, шу туфайли ҳимоявий ўйинимизга бироз зиён етади. Начо ажойиб мавсум ўтказмоқда.

Модрич? Ҳа, у тайёргарлик қилмай, захирада ўтирди. Уни туширишга ишончим комил эмасди. Лукани ҳурмат қилишингиз керак. У яхши ва кейинги ўйинга тайёр бўлади», — дея италиялик мутахассиснинг сўзларини келтиради Marca.