Жорий мавсум якунида «Ливерпул» билан хайрлашадиган Юрген Клоппнинг ўрнини эгаллаши кутилаётган энг асосий икки номзод маълум бўлди.

Sky Sport хабарига кўра, мерсисайдликлар янги мавсум учун икки мураббий – Хаби Алонсо ва Роберто Де Дзерби сингари мутахассислар номзодини кўриб чиқмоқда. Испаниялик мутахассис «Байер»ни бошқараётган бўлса, италиялик мураббий «Брайтон» бош мураббийи саналади.

Эслатиб ўтамиз, Алонсо «Ливерпул» сафида 2004-2009 йиллар давомида тўп суриб, Чемпионлар лигаси, Англия кубоги ва Суперкубоги ҳамда УЕФА Суперкубогини қўлга киритган.