«Манчестер Сити» иқтидорли аргентиналик ўйинчини сотиб олди.

18 ёшли яримҳимоячи Клаудио Эчеверри «шаҳарликлар» билан 2028 йилнинг ёзига қадар шартнома имзолади.

Футболчи «Ман Сити»га бир йилдан сўнг келади — 2025 йилнинг январигача Клаудио «Ривер Плейт»да ўйнашда давом этади.

Олдинроқ «Сити» Эчеверри учун 14,5 млн евро тўлаши, шунингдек, ҳужумкор яримҳимоячининг ўйинига қараб яна 9 млн евро бонус бўлиши ҳақида хабар берилганди.

Эчеверри «Ривер Плейт» асосий таркибида 6та ўйин ўтказиб, 1та голли узатмани амалга оширган. У Аргентина U17 жамоаси учун 22та баҳсда 13 бор тўп киритган, жумладан, ўсмирлар ўртасидаги мундиалда 5та гол урганди.