«Барселона» бош мураббийи Хави Испания Кубоги 1/4 финалидан ўрин олган «Атлетик» (2:4) билан ўйиндан сўнг ўз фикрларини билдирди. 

«Биз ҳаракат қилдик. Ўйлайманки, ўз уйида жуда кучли бўлган ажойиб жамоага қарши яхши курашдик. Рақиб нуқтайи назаридан қуръада омадимиз келмади, деб айтгандим. Ламинда ғалаба тўпини киритиш имконияти бўлди. Уриниб кўрганимиздан фахрланишимиз мумкин.

Бор кучимиз билан ҳаракат қилдик ва бошимизни баланд кўтариб кетяпмиз, чунки ёш футболчилар билан курашдик.

Мен хотиржамман. Энг муҳим турнирлар қолмоқда», — дея каталонияликлар устозининг сўзларини келтиради Marca.