Осиё кубоги Б гуриҳининг сўнгги турида Ўзбекистон (5) Австралияга (7) қарши дуранг ўйнаб, 2-ўрин билан 1/8 финалга йўлланма олди. 

Биринчи бўлим сўнгида Бойл баҳсли пеналтидан ҳисобни очган бўлса, иккинчи бўлимда Азиз Турғунбоев «кенгурулар» дарвозасига тарихий биринчи голни бош билан уриб мувозанатни таъминлади — 1:1.

Беллашувда «оқ бўрилар» форварди Игор Сергеев тиззасидан жиддий жароҳат олди ва у учун мусобақа якунланди. 

Қатарда бўлиб турган Tribuna.uz мухбири Ҳасан Юсупов «Ал Жануб» стадионида ўтган қарама-қаршиликдан эксклюзив фотожамланма тайёрлади.