Френки де Йонг «Реал» «Барселона»ни ҳақли равишда мағлуб этганини тан олди.

Мадрид клуби Испания Суперкубоги финалида каталонияликлардан 4:1 ҳисобида устун келганди. 

«Ушбу баҳсда яхши ўйнамадик, бироқ битта ўйин бутун мавсумни англатмайди.

Финалда «Реал»га ютқаздик, улар ғалаба қозонишга ҳақли эди, бу адолатдан. Ва биз яхшироқ бўлишимиз керак. Лекин бу бу мавсум ёмон кечди, дегани эмас.
Яна 3та соврин учун курашамиз — Қирол кубогининг чоракфиналидамиз, Чемпионлар Лигасида ўйнаяпмиз ва Ла Лигада қайтишга ҳаракат қиламиз.

ЕЧЛга келсак, уни ютиш учун мусобақада қатнашасиз. Яъни, барча жамоалар турнирда ғалаба қозониш ниятида. Шунинг учун агар якунда ғолиб чиқмасанг, бу фалокат дегани эмас. Аммо турнирда ўйнасанг, буни ғалаба учун қиласан», — дея «Барса» яримҳимоячисининг сўзларини келтиради Marca.