«Арсенал» бош мураббийи Микел Артета АПЛ 21-туридан ўрин олган «Кристал Пэлас»га қарши ўйиндан сўнг (5:0) ўз фикрлари билан ўртоқлашди. 

«Сўнгги 10 кун ичида мен жамоанинг иши ва мағлубиятларга тўғри муносабатини ҳис қилдим. Булар — ажойиб футболчилар, бизда ажойиб жамоа бор ва улар бугун ғалаба қозонишни жуда хоҳлашди. Дарвозамиз дахлсизлигини сақладик ва 5та гол урдик — айнан шу нарса бизга керак эди.

Ўйинни старти кўп ёрдам берди, чунки голдан кейин рақиб тажовузкор ҳаракат қилишга ва кўпроқ бўш жойлар қолдиришга мажбур бўлди. Биз бундан жуда яхши фойдаландик.

Ўйиннинг ҳар бир компоненти устида ишлаймиз ва дунёнинг энг яхши жамоаси бўлишни хоҳлаймиз, бунинг учун биз ҳамма томондан энг зўри бўлишимиз керак. Ҳали ҳам яхшиланишимиз мумкин, шунинг учун бизни кучлироқ қиладиган жиҳатлар устида ишлашда давом этамиз.

Бизда мавсумнинг иккинчи ярми бор ва қолган ҳамма турнир учун курашамиз. Қўлимиздан келганини қиламиз.

Футболчиларимиз ишончни ҳис қилишларига эришишимиз керак. Агар улар шубҳаланса, бу бизга ёрдам бермайди», — деди «тўпчилар» устози TNT Sports эфирида.