Эммануэл Пети «ПСЖ» вингери Килиан Мбаппени «Атлетико» ҳужумчиси Антуан Гризманндан устун деб ҳисобламайди.

«Менимча, Гризманн ўзи муносиб бўлган мақтовларга сазовор бўлмади. У миллий жамоада ва ҳатто клубида феноменал карерага эга.

Мбаппе Гризманн юта олмаган нимани қўлга киритди? Франция миллий жамоаси иштирокидаги барча финалларда Антуан ҳар доим энг яхши бўлган.

Бу Мбаппега ҳужум эмас, у — ажойиб футболчи. Гризманни ҳимоя қилиб, айтяпман. Ҳозир Килианни Антуандан юқори қўймайман.

Агар эртага Мбаппе Франциядан бошқа лигада рекорд ўрнатса, фикрим ўзгарар. Гризманн бир муддат дунёнинг энг яхши лигаси бўлган Ла Лигада энг зўрлар билан кураш олиб борди. На клуб даражасида, на миллий жамоа миқёсида Килианни Антуандан юқори қўйишга асос кўрмаяпман», — дея Франция миллий жамоасининг собиқ яримҳимоячисининг сўзларини келтиради RMC Sport.