«Атлетико» бош мураббийи Диего Симеоне Испания Кубоги 1/8 финалидан ўрин олган «Реал» билан ўйиндан (4:2) сўнг ўз фикрлари билан ўртоқлашди. 

«Ўйинни яхши назорат қилдик. Рақибнинг ҳужумига дош бера олдик. Бу қийин, чунки улар жуда яхши.

Сабр қилдик ва вақтимизни кутдик. Гризманн, эҳтимол, ўзининг энг чиройли голини урди (100-дақиқада ғалаба тўпи). Энди қаттиқ ишлашимиз ва Ла Лига ҳақида ўйлашимиз керак.

Винисиус билан тўқнашув? Гапирадиган ҳеч нарса йўқ», — дея аргентиналик мутахассиснинг сўзларини келтиради Marca.