«Челси»нинг собиқ футболчиси Жон Оби Микел Аргентина миллий жамоаси ҳужумчиси Лионел Мессининг The Best совринини ютгани фикр билдирди.

«Ҳоландни ҳимоя қилаётганлар ўтган йилги маросимда жаҳон чемпионатидаги ғалаба ҳисобга олинганини айтишади. Буни тушунмаяпман. У — ажойиб футболчи. Лекин Эрлинг  имкониятлар яратадиган ва ўйинларда ғалаба қозонадиган «Манчестер Сити»да ўйнайди. 

У қанча ўйин ўтказиб юборди — 9 ё 10та? Жамоа бу даврда фақат бир бор мағлуб бўлди. Улар вазиятлар яратишади, гол уришади, Ҳоландсиз ҳам қандай ғалаба қозонишни билишади. Мессини Аргентина миллий жамоасидан олиб қўйсангиз, улар юта оладими?

Месси — мен учун энг зўри. У фаолиятини тугатади, Роналду ҳам. Янги авлод учун вақт келмоқда», — дея Оби Микелнинг сўзларини келтиради Sky Sports. 

Эслатиб ўтамиз, ФИФА талқини бўйича 2023 йилнинг энг яхши футболчисига аталган совринни «Интер Майами»нинг аргентиналик ҳужумчиси Лионел Месси қўлга киритди.