«Рома»нинг собиқ бош мураббийи Жозе Моуринио Италия клубидан ишдан бўшатилишидан олдин клубнинг бир қанча футболчилари билан зиддиятда эди, деб хабар беради Corriere dello Sport. 

Манбага кўра, португалиялик мутахассис Крис Смоллинг, Лоренцо Пеллегрини, Рик Карсдорп, Леонардо Спинаццола ва Ренату Саншеш билан кескин муносабатда бўлган. 

Таъкидланишича, Моуринонинг «Рома»дан кетиши нафақат клубнинг қониқарсиз натижалари, балки жамоадаги таранглик ва ёмон ички муҳит туфайли ҳам юз берган.

Эслатиб ўтамиз, «Рома» 16 январ куни Моуриниони истеъфога чиқарганини эълон қилганди. Клуб бош мураббий лавозимига Даниэле Де Россини тайинлади. 

Жозе Рим клубини 2021 йил ёзидан бошқарди ва «бўрилар» 2022 йил Конференция Лигасида ғолиб чиқди, 2023 йил эса Европа Лигаси финалига қадар етиб борди.