Алваро Фернандес «Манчестер Юнайтед»дан «Бенфика»га ўтди.

Манкунианликлар 20 ёшли ҳимоячи мавсум охиригача Португалия клубига ижара асосида ўтганини эълон қилишди.

Фабрицио Романонинг сўзларига кўра, «бургутлар» футболчини 6 миллион еврога сотиб олиш имкониятига эга. Агар Фернандес ўйинларнинг камида 50 фоизини асосий таркибда бошласа, бу мажбурий бўлади. «Юнайтед» ҳимоячининг кейинги трансферидан ҳам улуш олиши мумкин. 

Фернандес — «Реал» тарбияланувчиси. У 2020 йилда «МЮ»га ўтган ва инглиз клубининг ўсмирлар ҳамда ёшлар жамоаларида ҳаракат қилган. Испаниялик футболчи «Юнайтед»нинг асосий таркибида ўйнамаган.

Алваро мавсумнинг биринчи ярмини «Гранада»да ўтказиб, Ла Лигада 13та баҳсда майдонга тушди.