Франция миллий жамоаси ва «Арсенал» клубининг собиқ ҳужумчиси Терри Анри The Best-2023 маросимига келмаган Лионел Мессининг соврин ютгани эълон қилинганда, «Тоттенҳэм» мухлисларини масхаралади.

«Афсуски, бу ерда ғолиб (Месси) йўқ, шунинг учун кимдир совринни олиши керак. Мен уни оламан. Уни ҳеч қачон ютмаганман, шунинг учун уни ўзимда олиб қоламан», — дея Анрининг сўзларини келтиради Мirror. 

Шундан кейин Анри саҳнадаги шериги билан ҳазиллашди: «Сиз «Тоттенҳэм» мухлисисиз, тўғрими? Демак, одатда кубоклар олмайсиз, шунинг учун буни ўзим оламан. Катта раҳмат», — деди Анри.