«Манчестер Юнайтед» бош мураббийи Эрик тен Ҳаг АПЛ 21-туридан ўрин олган «Тоттенҳэм» (2:2) билан ўйиндан кейин ўз фикрларини билдирди. 

«Старт жуда яхши бўлди, биринчи бўлимда иккита ажойиб гол урдик. Ҳимояни ёриб ўтиб, тўғри ҳаракат қилганимизни кўриш яхши бўлди. Аммо жуда хафаман. Икки марта ҳисобда олдинга ўтиб, сўнг тўп ўтказиб юборсангиз, бу асабийлаштиради. Лекин ҳамма нарсани қандай бўлса, шундай қабул қилиш керак.

Биринчи навбатда жамоа бўлиб ҳимояланишимиз, зич ўйнашимиз ва қанот ҳимоячиларига ҳужум уюштиришимиз керак. Бу орқали чизиқлар бузилади ва имкониятларга эга бўласиз. 

Жамоанинг муносабати ва руҳи ажойиб эди. Биз курашдик ва боримизни бердик. Мухлислар бизни қўллаб-қувватлашди ва ўйин нафақат Манчестердагилар, балки ҳамма учун қизиқарли бўлди. Чунки у ажойиб суръатда ўтди.

Ўйлайманки, ҳужумдагилар яхшиланаётганини кўряпсиз — бунга Гарначони қўшинг. Бизда ҳар қандай рақибга хавф соладиган ҳужум учлиги бор.

Каземиро, Мартинес ва Люк Шоу каби тажрибали футболчилар жамоага қайтишмоқда. Улар таркибга қўшилса, жамоа кучли бўлади», — дея нидерландиялик мутахассиснинг сўзларини келтиради BBC.