«Тоттенҳэм» бош мураббийи Англелос Постекоглу АПЛ 21-туридан ўрин олган «Манчестер Юнайтед»га (2:2) қарши ўйиндан сўнг ўз фикрларини билдирди. 

«Доим бундай ўйинларда ғалаба қозонишни хоҳлайсиз, лекин мен ўз футболчиларим билан фахрланмасдан иложим йўқ. Улар бу ҳафта кўп нарсаларни бошдан кечиришлари ва шундай ўйнашлари керак эди... Менимча, ажойиб ишладик. 

«МЮ» қарши ҳужумда яхши. Аммо уларни кўпинча яхши тўхтатдик. Иккала голга ҳам жавоб қайтардик. Иккинчи бўлимда биз яхшироқ ўйнадик ва ғалабага лойиқ эдик, деб ўйлайман.

Жамоанинг баъзи аъзолари бетоб бўлгани учун бизда қийин ҳафта ўтди. Футболчиларни ҳурмат қилишимиз керак, улар охиригача курашишди. Бор кучимиз билан ҳаракат қилдик.

Тимо Вернер иккита машғулот ўтказди ва 60 дақиқа ҳаракат қилди. У қойилмақом ўйнади», — дея «шпорлар» устозининг сўзларини келтиради BBC.