«Барселона» спорт директори Деку «Реал»га қарши Испания Суперкубоги финалидан (1:4) сўнг ўз фикрларини билдирди. 

«Реал» томошабоп ўйин кўрсатди ва биз уларни тўхтата олмадик. Уларда маҳоратли ўйинчилар бор ва рақибни, айниқса, тезлик борасида зарарсизлантира олмадик.

1:2да ҳам вазиятни ўнглашимиз мумкин эди, аммо ҳисоб 1:3га айланиши кучли зарба бўлди. Суперкубокни қўлга киритишни хоҳлагандик, шунинг учун 1:4 — биз учун оғир мағлубият.

Бу финал эди, лекин кураша олмадик. Олдинга қарашимиз ва Испания Кубоги ҳақида ўйлашимиз керак. Олға интилишдан бошқа иш қолмади. 

Хавининг келажаги? Мантиқсиз савол. Ҳозир бу ҳақда сўрашнинг вақти эмас. Биз унга ҳали ҳам тўлиқ ишонамиз.

Мағлубият қийин, уни таҳлил қилиш керак, лекин бош мураббий борасида ҳеч нарсани ўзгартирмайди. Кубокдаги «Унионистас» билан ўйин ҳақида ўйлашимиз керак», — дея Декунинг сўзларини келтиради AS.