«Барселона»га қарши Испания Суперкубоги финалида (4:1) ҳет-трикка эришган «Реал» ҳужумчиси Винисиус Жуниор ўз фикрлари билан ўртоқлашди 

«Гол нишонлаш? Роналду — менинг кумирим. Саудияликлар мени жуда яхши кўришади ва ғалаба қозонганимиздан жуда хурсандман.

«Барселона»га қарши ўйнаш осон эмас, лекин биз деярли мукаммал футбол кўрсатдик. Левандовскидан тўп ўтказиб юбормаганимизда идеал бўларди.

Соврин, голлар ва ўйинимиздан жуда мамнунман. Мадриддаги физиотерапевтларимга, жамоадошларим ва мураббийлар штабига энг яхши натижага эришишимда учун ишонч беришгани учун миннатдорчилик билдирман. Майдонда нима содир бўлса, ўша ерда қолади.

Анчелотти доим менга ёрдам беришга тайёр. Ҳар бир баҳсдан кейин ўрганаман. Яхшиланишни хоҳлайман, жамоа учун боримни бермоқчиман.

«Барса» ўйинчилари билан зиддиятлар? Ҳамма мен билан жанжаллашини хоҳлашидан афсусдаман, чунки улар бу ҳақда матбуотда ёзилишини билишади. Муваффақиятга эришиш учун бор эътиборимни ўйинга қаратишга ҳаракат қиламан. Ҳа, ўзим ҳам авлиё эмасман, баъзан жуда кўп гапираман ва нотўғри финтлар қиламан, лекин яхшиланишни хоҳлайман.  Анчелотти ва жамоадошларим менга сабоқ беришмоқда», — дея бразилиялик вингернинг сўзларини келтиради Diario Sport.