Эрик тен Ҳаг Санчонинг «Боруссия»га қайтгани ҳақидаги саволга жавобан «Манчестер Юнайтед» клубига қандай ўйинчилар кераклигини айтди. Шунингдек, таркибдаги янгиликларни айтди.

«Бизга жамоа рамзи учун курашга шай ва ғалабага ташна бўлган ўйинчилар керак. Гап бу ерда интизом ҳақида эмас, барча профессионаллардек ўзини одатий ҳаётдагидек тутса бас. Биз шуни кутамиз.

«Тоттенҳэм» билан ўйин ҳақида гапирадиган бўлсам, ниҳоят бир қатор ўйинчилар сафга қайтди. Лисандро Мартинес, Каземиро, Люк Шоу машғулотларда қатнашмоқда. Улар «Тоттенҳэм»га қарши ўйинда майдонга тушиши мумкин.

Маълумот учун, «Манчестер Юнайтед» АПЛ турнир жадвалида 9-ўринга тушди. Клуб бугун, 14 январ куни ўз майдонида «Тоттенҳэм»ни қабул қилади. Ўйин соат 21:30да бошланади.