«Ал-Иттиҳод» ҳужумчиси Карим Бензема жамоа машғулотларидан четлатилди.

Marca хабарига кўра, «Ал-Иттиҳод» футболчиларига қисқа таътил берилгач, жамоа аъзолари жума куни клубнинг Жиддадаги қароргоҳига етиб келиши керак бўлган. Аммо таркибдаги футболчилар орасида Карим Бензема йиғинга ўз вақтида қайтмаган ва клуб бош мураббийи Марсело Галярдо франциялик форвардни машғулотлардан вақтинча четлатишга қарор қилган. 

Бугун, 14 декабрдан жиддаликлар Дубайда ўқув-машғулот йиғини бошлаган, аммо Бензема клуб билан БААга бормаган.

Футболчининг вакиллари Бензема ноқулай иқлим шароити сабабли Маврикийдаги дам олишдан Саудия Арабистонига ўз вақтида етиб кела олмаганини маълум қилган.

Аввалроқ, Бензема декабр ойида жамоанинг кетма-кет учта машғулотини ҳам ўтказиб юборганди.

Маълумот учун, амалдаги чемпион «Ал-Иттиҳод» 19-турдан кейин чемпионатда 7-ўринда бормоқда.