«Барселона» бош мураббийи Хави Испания Суперкубоги яримфиналидан ўрин олган «Осасуна»га (2:0) қарши ўйиндан сўнг ўз фикрлари билан ўртоқлашди. 

«Ўйин қисмлардан иборат бўлди. Бу қийин эди. Рақиб жуда яхши ёпилади, энг яхши ҳимоявий жамоалардан бири. Ўйин осон бўлмаслигини билардик. «Осасуна»ни бу билан табриклашимиз керак. 

Умуман олганда, яхши ўйин ўтказдик. Хурсандмиз, финалдамиз, классико бўлади. Энди финалдан завқ олишимиз керак. 

«Осасуна»га қарши баҳс унчалик зўр бўлмади, лекин ҳаммаси жойида. Финалга чиқишга ҳақли эдик. Бу якшанба олдидан бизга жанговар руҳ ва ишонч бағишлайди.

«Реал»да ҳаммаси жойида, кеча уларнинг ўйинини кўрдим. Имкониятлар 50га 50», — дея каталонияликлар устозининг сўзларини келтиради Marca.