Гути Килиан Мбаппенинг «Реал»га ўтишига ишонч билдирмоқда.

«Шубҳасиз, Мбаппе ва «Реал» муросага келишади. Гап ҳозир эркин агент бўлган дунёнинг энг яхши футболчиси ҳақида кетмоқда.

Унинг орзуси — «Реал»га ўтиш, Мадрид ҳам Мбаппе жамоада ўйнашини хоҳлайди, шунинг учун якунда иккала томон ҳам келишиши керак.

Ҳа, Мбаппе 12 млн евро маошга келмайди ва, албатта, 20 млн бонус билан ҳам келмайди. Буни жуда аниқ тушунаман.

Гап нафақат Мбаппенинг майдонга тушиши, балки бизнес ҳақида ҳам. Флорентино Перес бутун умри давомида шундай ишлади, шунинг учун у — «Реал»нинг энг яхши президенти.

Перес буни Фигу, Бекҳэм, Роналду, Зидан билан уддалади... Энди эса Мбаппе. Бошқа чора йўқ», — дейди «Реал»нинг собиқ футболчиси.

25 ёшли форварднинг «ПСЖ» билан шартномаси 30 июнга қадар амал қилади.