«Реал» бош мураббийи Карло Анчелотти Испания Суперкубоги яримфиналидан ўрин олган «Атлетико»га (5:3) қарши ўйиндан кейин ўз фикрлари билан ўртоқлашди. 

«Ўйин очиқ ўтди, рақибга босим ўтказиш биз учун қийин бўлди. «Атлетико» ҳам биз каби жуда яхши ўйнади. Ажойиб беллашув бўлди ва иккинчи бўлимда кучимиз кўпроқ бўлгани учун ғалаба қозондик. Бироқ «Атлетико» бизни қаттиқ ишлашга мажбур қилди.

Рақиб майдончасида прессинг қилишга уриндик, аммо улар босимдан яхши чиқиб кетиб, 2та гол уришди. Биз ҳужумда жуда самарали ҳаракат қилдик.

Захирадан майдонга тушганларнинг ҳиссаси катта бўлди. Винисиус, Родриго, Валвердени захирага олдик, сўнг майдонга тушганлар бизга катта ёрдам беришди.

Даҳшатли чарчоқ бор. Иккала жамоа ҳам борини берди. Ушбу турнир жуда муҳим. Душанба куни 6 соатлик парвоз бўлганини ҳам ҳисобга олиш керак. Кўп чарчоқ бор эди», — деди мадридликлар устози Movistar эфирида.