Африка Кубогига йўл олган Гамбия футболчилари самолётда ҳушидан кетишди.

Самолётга чиққанидан кўп ўтмай, кислород етишмаслиги сабабли бир неча ўйинчи ҳушини йўқотди. Самолёт ҳавога кўтарилганидан бир неча дақиқа ўтгач, бортдаги кислород захираси камайгани сабабли Банжул аэропортига фавқулодда қўниш амалга оширилди. 

Маълум бўлишича, икки футболчи ҳамон шок ҳолатида. 

Миллий жамоа футболчиси Саиди Жанконинг сўзларига кўра, кўп ўйинчилар иссиқлик ва кислород етишмаслигидан боши айланиб, бош оғриғини ҳис қилган. Экипажнинг «ҳавога кўтарилгандан сўнг салонда кондиционер ёқилади» деган кафолатига қарамай, парвоздан сўнг вазият янада оғирлашди.

«Биз ҳаммамиз ўлишимиз мумкин эди. Ҳамма тезда ҳушидан кетди, шу жумладан, мен ҳам. Бутун ҳаётим кўз олдимга келди. 

9 дақиқадан сўнг учувчи қайтишга қарор қилди, чунки кабинада кислород захираси йўқ эди. Баъзи футболчилар қўнгандан кейингина уйғонишди.

Биз деярли ис гази билан заҳарланганмиз. Парвоз ярим соат давом этганида ҳаммамиз ўлиб кетардик», — деди Гамбия бош мураббийи Том Саинтфит Niewsblad нашрига.