«Бухоро» клуби собиқ футболчиси Шавкат Саломов футболчилик фаолиятини якунлагач, клуб бош директори сифатида иш бошлади. 

«Бухоро профессионал футбол клуби» МЧЖ Ягона таъсисчиси 2024 йил 09 январь куни клуб бош директорига оид қарор қабул қилди. 

Ўтган йилнинг 23 ноябрь куни Ягона таъсисчи ўз қарори билан Қодиров Ўткир Олимовични бош директор лавозимидан озод қилганди. Эндиликда мазкур лавозим Саломов Шавкат Расуловичга ишониб топширилди», - дея хабар бермоқда ПФЛ матбуот хизмати.

Шавкат Саломовнинг сўнгги жамоаси Жиззахнинг «Сўғдиёна» клуби бўлиб, унинг сафида 2022 йилги мавсумда майдонга тушганди. У 2023 йилда футболчилик фаолиятини якунлаган.

Маълумот учун, «Бухоро» 2023 йил Улуғбек Бақоев мураббийлигида Суперлигадан Про лигага равона бўлди.