Испания Суперкубогидаги иштироки учун клубларга маблағ тақсимоти миқдори маълум қилинди.

As хабарига кўра, Испания футбол федерацияси (RFEF) Суперкубок баҳсларини Саудия Арабистонида ўтказишдан 40 миллион евро олади. 

Шундан «Реал» ва «Барселона»га турнирдаги иштироки учун 6 миллион евродан маблағ тўланади, «Атлетико»га 3 млн, «Осасуна»га эса жами 1,4 миллион евро ажратилади.

Турнир ғолиби 2 миллион мукофот пулига эга чиқса, финалчи 1 млн евро олади.

Маълумот учун, Испания Суперкубоги баҳслари 10-14 январ кунлари Ар-Риёдда бўлиб ўтади. Яримфиналда бугун «Реал» - «Атлетико», эртага «Барселона» - «Осасуна» ўзаро тўқнаш келади. Ўйинлар соат 00:00да бошланади.