«Женоа» ҳимоячиси Раду Драгушин фаолиятини Англияда давом эттирадиган бўлди.

Инсайдер Фабрицио Романо хабарига кўра, руминиялик 21 ёшли футболчи Италия клубидан «Тоттенҳэм»га ўтмоқда. Генуя ва Лондон клуби Радунинг 30 миллион еврога трансфер қилиш бўйича келишувга эришган.

Қайд этилишича, Драгушин «Бавария»дан таклиф олган бўлса-да, айнан «Тоттенҳэм»га ўтишни истаган ва шахсий шартнома масаласида ҳам тезда тил топишган.

«Тоттенҳэм» ушбу трансфер бўйича келишувга кўра, жамоанинг ўнг қанот ҳимоячиси Жед Спенсни «Женоа»га мавсум сўнггигача ижарага беради.

Драгушин бугун шартнома имзолаш учун Лондонга етиб келиши кутилмоқда. У жорий мавсум А Серияда 19 ўйинда 2та голга муаллифлик қилган.