Доривал Жуниор Бразилия миллий жамоасининг янги бош мураббийига айланади.

«Сан Паулу» 61 ёшли мутахассис клубни тарк этишини маълум қилди.

Жамоа билан Бразилия кубогини қўлга киритган мураббий шундай деди: «Орзум амалга ошмоқда ва бу «Сан Паулу»даги меҳнатим эътирофидир». 

Доривал Жуниор 2023 йилнинг апрелидан бери «Сан Паулу»ни бошқараётганди. У 2017 йилдан 2018 йилгача ҳам жамоада ишлаган. 

Мураббий 2022 йилда «Фламенго» устози сифатида Либертадорес Кубогини ютган. 

Эслатиб ўтамиз, бунгача Бразилия миллий жамоасини Фернандо Диниз бошқарди ва «пентакампеонлар» унинг қўл остида 6 ўйиннинг 3тасида ютқазди.