«Арсенал» бош мураббийи Микел Артета Англия Кубоги 1/32 финалидан ўрин олган «Ливерпул» билан ўйиндан (0:2) кейин ўз фикрларини билдирди. 

«Яхши ўйнадик ва етарлича имкониятларга эга бўлдик. Шунчаки ғалаба қозонишимиз керак эди, лекин ютқаздик. Ғалаба қозониш учун вазиятлардан унумли фойдаланиш керак. 

Европанинг энг зўр жамоаси билан тўқнаш келсанг ва шунча имкониятлар яратсанг... Бу жамоага қарши ҳеч ким биздек ўйин кўрсатмаган. Лекин ҳақиқат шундаки, бу ҳам етарли эмас.

Жамоам шундай ишонч билан ўйнаса, мен нима қила оламан? Қандай бўлмасин, йигитларни 100 фоиз қўллаб-қувватлайман. Худди шундай ўйнашда давом этишимиз ва самаралироқ бўлишимиз керак», — дея «тўпчилар» устозининг сўзларини келтиради ВВС.