Ўзбекистонлик шахматчи Нодирбек Абдусатторовнинг 2023 йилдаги шахмат турнирлари орқали қанча даромад қилгани маълум бўлди.

UzChess хабарига кўра, Нодирбек Абдусатторов якунланган йилда энг кўп даромад қилган шахматчилар ўнлигидан жой олган. Ўзбекистонлик шахмат устаси 2023 йилда 12та мусобақада иштирок этиб, 190 минг АҚШ доллари миқдоридаги пул мукофотига эга чиққан. 

Йил давомида жаҳоннинг энг кўп даромад қилган шахматчиси хитойлик гроссмейстер Динг Лирен бўлди. У йил давомида турнирлардан 1 228 200 АҚШ доллари миқдорида пул топган. 

Иккинчи ўриндан россиялик Ян Непомняший ўрин олган – 1 226 825 АҚШ доллари. Учликни Магнус Карлсен ёпган – 705 155 АҚШ доллари.