Мартин Эдегор Англия кубоги 3-саралаш босқичи доирасидаги «Ливерпул»га қарши ўйин олдидан совринни ютиш ҳақида гапирди.

«Ўтган мавсумда эришган натижаларимиз ва бу мавсум бошидаги ўйинимиздан кейин рақиблар бизни яхшироқ ўргана бошлашди ва кучли жиҳатларимиздан фойдаланишимизга йўл қўймасликка ҳаракат қилишмоқда. Ҳа, улар чуқурроқ ҳимояланишмоқда.

Ўтган мавсум биз чемпионликка анча яқин эдик, шу боис совринни қўлга кирита олмаганимиздан барчанинг ҳафсаласи пир бўлганди. Биз – «Арсенал», соврин ютишни ва энг яхши бўлишни истаймиз. Мақсадимиз ўзгармайди.

«Ливерпул»га қарши муҳим ўйин кутмоқда ва бу катта турнирда кейинги босқичга йўлланма олиш учун имконият», - дейди Эдегор ўйин олдидан.

Маълумот учун, «Арсенал» - «Ливерпул» ўйини бугун, 7 январ куни соат 21:30да бошланади.