Вагнер Лав «Атлетико Гойяниенсе» футболчисига айланди.

ЦСКАдаги ўйинлари билан танилган 39 ёшли форвард Гояния клуби билан 2024 йилнинг 31 декабрига қадар шартнома имзолади. 

«Атлетико Гойяниенсе» ўтган мавсум якунларига кўра Бразилия А Сериясига чиққан. 

Сўнгги икки йил давомида Лав Бразилия иккинчи дивизионидаги «Спорт Ресифе» жамоасида ўйнади.

Бразилиялик футболчи фаолияти давомида «Қайрат», «Коринтианс», «Бешиктош», «Фламенго» ва «Палмейрас» каби жамоаларда ҳам ҳаракат қилган.