Роберто Фирмино Премер-лигага қайтиши мумкин.

talkSPORT хабарига кўра, «Ал Аҳли»нинг 32 ёшли форварди Саудия клубини тарк этмоқчи ва унинг хизматлари Премер-лига клублари, жумладан, «Фулҳэм»га таклиф қилинган.

Лондон клуби ёзда «Ал Ҳилол»га сотиб юборилган Александр Митровичга ўринбосар қидирмоқда.

Эслатиб ўтамиз, Фирмино «Ливерпул»да 8 мавсум тўп тепган. У мерсисайдликлар билан АПЛ чемпионлиги, Англия Кубоги ва Суперкубоги, шунингдек, Лига Кубогини қўлга киритган. Бундан ташқари, бразилиялик форвард «қизиллар» билан Чемпионлар Лигаси, УЕФА Суперкубоги ва клублар ўртасидаги жаҳон чемпионатида ғолиб чиққан. 

Фирмино «Ал Аҳли» сафида Саудия чемпионатида 17та ўйин ўтказиб, 3та гол (август ойида биринчи ўйинида ҳет-трик қайд этган) ва 2 та ассистни ўз ҳисобига ёздириб қўйди.